Залы славы


Рауф Владимир-иҧа Дасаниа

Рауф Владимир-иҧа Дасаниа диит 1953 ш. Сентиабр 29 Жәандрыҧшь ақыҭан, анхаҩы иҭаацәараҿы. Даныхәыҷыз аахыс аҟазара бзиа избоз, ҳаҧсуа сцены зырхыџхыџуаз, аҧсуа культура еихазҳуаз, ҧхьаҟа изгозуи еснагь изрылыхҿыхуаз артист ду Руфик Дасаниа даныхәыҷыз инаркны аҧсуара зцәа-зжьы иалааӡаз, уи патыуззақуз арҧысын...

Ари ауаҩ иеиҧш иҟаз, амилаҭтә цәанырра шьа злаз зыҧсадгьыл зхеиҧш бзиа избоз, аҧсуаа ҳкультура ду еиҳазҳаз 1971 шықәса инаркны 1979 шықәса аҟынӡа шьамхы ҵарыла ҭеиҭҧшла изырҧшӡоз аҧсуа сцена, аҧсуа культура иара убас аҳәаанырцәтәи ргастрольқәа. Апатриот-афырхаҵа 1979ш. инаркны аибашьра аналагоз амшқәа рҟынӡа аус иуан Аҧснытәи Аҳәынҭқарратә ашәаҳәареи акәашареи рансамбль аҟны акәашаҩ хадас. Артист дызхылҵыз, ижәлар рахь имаз агәыбылра ианубаалон есымшатәи ихаҿреи игастрольтә қәгыларақәеи рҟны.

Ахьӡ-аҧша змаз артист Рауф Дасаниа дахьымӡеит и-20 шықәсхыҵра азгәаҭара, Ерцахә ашьха еиҧш игылаз, аха адгьылҵысра бааҧс иарбгаз еиҧш, иҿхҵәеит иҧсҭазаара. Аџьабаа ду иибахьаз аҧсуа культура арҧшӡареи аихаҳареи азын, аҟыбаҩ бзиа ахьилаз азын Аҧсны акультура Аминистрра акырынтә ианаршьахьан аҳаҭыртә ҳамҭақәа.

Рауф Дасаниа Аҧсны ахақәиҭразы иқәлацәа зегь реиҧш иабџьар иҟәаҟәа инкыдҵаны аибашьра амҩа днықәлеит. Рауф иҧсы шҭаз дрымпыҵашәеит ҳаҕацәа, урҭ ирӡбеит ддыргәаҟырц, имч изаанхыз ҧыршәарц, аҧсу жәлар рахь ирымаз ацәымҕра ихаргарц. Ҧшьымш дуӡӡа Рауф ддырҳәацәон, иҧсы мцошәа анырба, иҩшьапык ааидҿаҳәалан, зынџьырла амашьына дацраҳәаны рырҳәазо мацара иааихырхит иҧсы. Ари ауаҩ дзакәыз здыруаз роуп, ари аҧсадгьыл дшапатриотыз, 1989 ш. иуль 15-16 рзы иҟалаз аидыслара дшалахәыз рдыруан. Игәаҕ зкызгьы, убри азакәхап “аҧсуаа дыжәга шәартист” ҳәа зҿырҭуаз ҳаҕацәа.

Игәымшәареи ифырхаҵареи рзы ианашьоуп “Леон иорден”.

Рауф Дасаниа ихьӡ ашьҭыхра, амырӡра иазкуп, уи дхәыҷы аахыс бзиа иибоз асцена, аҟазара ихьӡ ахьахырҵаз. Иахьа Гәдоуҭатәи акультуратә Хан ихьӡ ахыуп.